لکھاری زاھد اقبال بٹ
ایھہ گل سندے آرھے آں کہ جنھے مونھ اوھنیاں گلاں ظاھر اے جد انسان جیبھ سنے پیدا ھویا اے تے ایھ تلوار تے چلے گی۔ کس طرحاں چلے گی تے کدوں چلے گی ،کیھڑی گل چھپائے گی تے کیھڑی اگلے گی۔کس دے ساھمنے آکڑے گی تے کس دے ساھمنےتالو نال چمڑی رہے گی۔کس نال جھوٹ تے کس نل سچ بولے گی۔ کس نال محبت دا دعوہ کرے گی تے کس نال دڑھ وٹی رکھے گی۔ ایہ کس نوں ڈرائے گی تے کس نال چاپلوسی کرے گی ،horrible mind کیویں مٹھی بولی بولے گا ایس سارے پتلی تماشے دی کھیڈ پچھے دماغ ساریاں تنداں چلا رھیا ھوندا اے ۔ھر انسان دے دماغ دی سوچن سمجھن دی صلاحیت وکھو وکھ ھوندی اے ۔ کس دے جزبات نوں اموشنل رنگ دینا اے تے کس نوں اڈیک دی سولی چاڑھنا ں اے ایس کارے دی ھانڈی کھوپڑی اندر ھی پک رھی ھوندی اے ۔ ۔تے کجھ دماغ اپنے ھتھی خوفاں دی انتی دے ڈیزائن بنا بنا کے آپوں ڈر رھیے ھوندے نیں تے کجھ سازشی دماغ اپنے واسطے کھڈا کھودن وچ مصروف ھوندے نیں تاں جے آسانی نال زمین بوس ھو سکن۔ تے کجھ لوک کمزور انساناں دیاں لسٹاں بناون وچ رجھے نیں تاں جے اوہ اپنی بھادری دا مونھ متھا چمکا سکن ۔ 95 فیصد دماغاں وچ انا دا کیڑ ہ ھر ویلے خارش کردا رھندا ایےتے چپ بندے نوں اکساند یاں کھندا کہ چپ کیتیاں گل نھیں بننی دوجا بازی لے جاسی ،انا دی ھمیشا کوشش رھی اے کہ اوہ تھرتھلی پا کے رکھے تے لوکاں وچ رنگبازی تے نکھیڑا چالو رھوے یعنی انساناں دیاں مندیاں کرتوتاں تے چنگے وچاراں دا گڑہ دماغ ھوندا اے جے دل دے گل کرئیے تے سائنسداناں ساڈے نال چنگی نھیں کیتی اوھناںمھنگا پلاسٹک دا دل بنا کے کجہ لوکاں وچ لا دتا اے تے اوھنوں 24 گھنٹے پورے جسم نوں خون اپڑاون دے ٹھیکے اتے لاء دتا اے ھن اوھنوں ایھنی ویلھ نھیں کہ اوھ ساڈے طعنے معنے دیاں دو گلاں وی سن سکے پر سائنسداناں نوں کون پچھے دل دیاں گلاں دل وچ رہ گئیاں ، میں گل کر رھیاساں دماغ دی جے اساں انساناں دے دماغاں دا ویروا کر ئیے تے انسانی دماغ دی انتی وکھو وکھ سلیقیاں ،وطیریاں تے سماجی حساسیت دیاں بنیاداں اتے پروان چڑھدی اے۔کسی وی انسان دے زھن دی زھانت دا پتا اوھدوں لگدا اے جدوں اوہدا کسی غیر نامعلوم نال ٹاکرا ھوندا اے کہ پئی اوہ پھلوں توں تھاڈے دماغ وچ نہ ھووے تے نہ ھی تساں اوھنوں ویکھیا ھووے تے جد ٹاکرا ھووے تے تسیں کنج جواب دیندے اوہ زھانت نال یاں حماقت نال ،ایہ گل پکی اے کہ کسی وی صورت حال نوں سمجھن لئی زھانت دی لوڑ ھوندی اے پر فہیر وی اسیں اجیھاں گلاں دے ڈھائے چڑھے رھنے آں سگوں اینھاں گلاں نوں کچھڑ چکی رکھنے آں جنھاں کارن ساڈے دماغاں اتے ڈکے لگے رھندے نیں سب جاندے نیں کہ زھانت ساڈے اندر موجود ھوندی اے اوھنوں صرف چنگا اشارہ تے رستے دی لوڑ ھوندی اے ھر پیدا ھوون والا انسان سانجھی قدراں نال دنیا چ آوندا پر اسیں اپنی صلاحیتاں نوں پورے من نال نھیں ورتدے جیکر اسیں پورے مان تران نال ویلے وچوں اپنی ساریاں صلاحیتاں کشید کرئے تے ایس ساڈی دنیا دا رنگ و کھرا ھو سکدا اے ۔
تے جے ساری آبادی دی دو فیصد دماغ اک ھو جاون تے جسمانی مشقتاں دی پیڑہ گھٹ ھو سکدی اے
694
