اداریہ

انج لگدا اے پئی پی ٹی آئی سرکار شیواں دے مُل تے قیمتاں بازار دے لٹیرے کاروباریاں اتے چھڈ دتی اے۔ لنگھے رمضان تے عید دوران لوکاں نوں لٹن لئی چھڈدتا گئیا سی۔ سرکار اپنی ریگولیٹری ذمہ واری نبھاون وچ ناکام رہی، اپنے ووٹراں نوں وی چنگا مایوس کیتا۔ پنجاب وچ وی ایہہ خیبر پختونخوا وانگ ہویا، ایہہ صوبائی حاکم سڑکاں اتے ڈرائیوراں دی دہشت گردی اتے وی قابو نہ کیتا۔ درجناں اپنی جاناں گنوا بیٹھے تاں سیکڑاں زخمی ہوگئے۔ سڑکاں اتے ہیلمٹ بغیر موٹرسائیکلاں چلاون والے ویکھے گئے۔ ایس دے نال عید اتے اک پہیے اتے موٹرسائیکل چلاون نال وڈے حادثے ہوئے۔ تے کئی جوان موت دے مونہہ وچ ٹرگئے۔
پی ٹی آئی اے آگواں شہر شہر اکٹھ کرنے تے اپنی حکمرانی بارے پارٹی تے لوکاں دی رائے جانن دے لوڑ اے تے اپنی کارگزاری لوکل گورنمنٹ چوناں توں پہلاں بہتر کرنا ہووے گی۔ ورنہ ایہہ ایس سرکار نوں بوہت بُری شکست دا مونہہ ویکھنا پئے گا۔ ویلا تھوڑا اے۔
سجن