سیاست ہو یاں کالج دا کلاس روم یا ں تسیں ہوائی جہاز وچ بیٹھے ہوو، اجکل تہانوں دوجیاں دا غیر مہذب رویہ بوہتا ویکھن نوں آرہیا ہوندا اے، بوہتا دور جاون دی لوڑ نئیں، اک تازہ پڑچول مطابق بدتمیزی اک پھیلن والی بیماری وانگ شے بن چکی اے، اک بندے نوں ویکھا ویکھی دوجے وی بد تمیزی کرن لگدے نیں، جیویں گھروچ اک جی نوں زکام لگے تاں واری واری سبھاں نوں لگے بغیر گھر وں نکلدا نئیں،
بی بی سی رپورٹ مطابق دفتراں وچ بدتمیزی دی وبا عام اے۔ ماضی وچ کیتے گئے کجھ جائزیاں مطابق دفتراں وچ کم کرن والے ملازماں نوں غیرمہذب رویے یاں بدتمیزی دا ساہمنا کرنا پیندا اے۔ جدکے باقی ادھے بندیاں دسیا کہ جے روز نئیں تاں ہفتے وچ اک واری بھیڑے رویے دا شکار ضرور ہوندے نیں۔ ماہراں دا ایہہ دعویٰ وی ساہمنے آیا کہ اجیہے کجھ سبھاں دفتراں وچ ہوندا اے، ایہہ صورتحال دن بدن وگڑدی جارہی اے۔
لنگھے دس ورھیاں توں دفتراں وچ بد تمیزی تے ملازماں نال دوجے بھیڑے رویے نوں ویکھیاگیا اے۔ ایہہ واقعی اک وڈامسئلہ اے، ہاں ایس نوں اک وباآکھنا درست نئیں اے۔
سروے وچ لوکاں توں سوال کیتا گیا کہ میرے کم وچ لوکیں میرے نال تمیز نال پیش آندے نیں؟
اعداد و شمار مطابق 98 فیصد ملازموں نوں کم کرن والی تھاں اتے غیرمہذب رویے دا ساہمنا کرنا پیندا اے۔ لیکن اجیہے اعداد وشمار توں لگدا اے کہ دفتر وچ ہر کوئی اک دوجے نال ہر ویلے بدتمیزی کر رہیا اے۔
499
