پروفیسر فیفر سٹینفرڈ گریجوئیٹ سکول آف بزنس دے کامےنیں ا وہ پندرہ کتاباں دے لکھاری نیں ۔ اونھا ں انتظامی نظریہ تے ہیومن ریسورسز جئے موضوعاں اتے کتاباں (بکس) لکھیاں نیں۔ اونھاں انتظامی ماملیاں دے موضوعاں اتے لکھن والیاں وچ اچا سوجھوان سمجھیا جاندا اے.اونھاں دی نویں کتاب دا ناں اے ‘ڈائنگ فار پے چیک” مطلب تنخاہ دے چیک لئی مرنا۔
پچھلے ورھے چھپن والی اس کتاب وچ لکھاری نیں ایھ ویروا کیتا اوہ زندگی دے پکھاں اتے چانن پاندیاں لکھدے نیں پئی لمے چرلئی دفتری ویلے ، گھروکی ماملے تے ٹبر نال گزارن والے ویلے دی ونڈ وچ توازن نہ کر پانا ا تے نوکری دے کھس جاون داڈر ، جسمانی تے جذباتی صحت نوں تباہ کر رے نیں ۔
اوہناں اک جاپانی دی مثال دتی جیہڑا ہفتے وچ پچھتر گھنٹے کم کردا سی تے لنگھے 40 دیہاڑ توں کم کرن دوران اوس نوں دل دا دورہ پے گیا، اوہدے بارے لکھدے نیں کے مزدوراں دا غیرہمدرد نظام قاتل بن چکیا اے۔
پروفیسر دی پرچول مطابق 61 فیصد امریکیاں دا خیال اے کہ ذہنی دباؤ نے اوہناں نوں بیمار کردتا اے جدکے سات فیصد نوں یقین اے کہ کم کرن دے کارن اوہناں نوں ہسپتال داخل ہونا پیندا اے۔
فیفر دا اندازہ اے کہ ہر ورھے اک لکھ وی ہزار امریکیاں دی موت وچ ذہنی دباؤ دا ہتھ ہوندا اے۔ جیہدے پاروں امریکی کمپنیاں نوں تن سو ارب ڈالر دا نقصان ہورہیا اے۔
کمپنیاں دے ڈائریکٹر ایہہ من دے نیں پئی کامیاں دے ذہنی دباو دا مسئلہ اہم اے لیکن اوہ کہندے نیں، ایہدے کارن خرچے بوہت ہوندے نیں۔ پروفیسردا آکھنا اے اینہاں حالات دے شکار ملازم نوکری چھڈن دا بوہتا سوچ دے نیں۔
پروفسیر نے ایس حل دسیا پئی ملازماں نوں آپ اپنی صحت کا دھیان رکھنا ہووے گا،جے ایسے ادارے جیہڑے تہاڈے کام تے ٹبر نال ویلا گزارن وچ توازن دا خیال نئیں رکھدے، تسیں اجیہے اداریاں نوں چھڈن اتے توجہ رکھو۔
لوکاں نوں اجیہے قنون دی منگ وی کردے رہنی چاہیدی اے جیہڑے اوہناں دی سلامتی لئی ہوون تے اوہناں نوں مل کے اپنا خیال وی رکھنا چاہیدا اے۔ کیوں جے ایہدا مل سماج نوں تارنا پیندا اے۔
850
