لہور ( رپورٹ۔ وسیم عظمت) جنوبی ایشیا وچ جنم لین والے گیان دے سورج گورو دیو جی رابندر ناتھ ٹیگور دا اج 158 واں جنم دن اے۔
نوبیل انعام یافتہ صاحب نے دنیا نوں کئی۔ وڈیاں لکھتاں دتیاں۔ بھارت تے بنگلہ دیش دے قومی ترانے وی رابندر ناتھ ٹیگور صاحب دا کلام نیں۔ شاعر، موسیقار، سوجھوان رابندر ناتھ ٹیگور نے انیہویں صدی دے اخیر تے ویہویں صدی دے شروع دیاں دہائیاں وچ اپنے تخلیقی کماں دے نال بنگلہ تے بھارتی میوزک، آرٹ تے لٹریچر دی کنٹیکسچویل موڈرنزم دی نینہہ تے نویں سرے توں اسرن وچ اہم حصہ پایا۔ ٹیگور جی دی شاعری دی کتاب ‘گیتانجلی’ نوں 1913 وچ پٹریچر دا نوبیل انعام ملیا جیہڑا یورپ توں باہر کسی لٹریری کم لئی پہلا نوبیل انعام سی۔ گورو دیو رابندر ناتھ ٹیگور جی دیاں کتاباں دے دنیا دی کئی زباناں وچ ترجمے ہو چکے نیں تے اوہناں دے کماں نے جنوبی ایشیا توں باہر۔وی لوکاں تے ڈونگھے اثر پائے۔
816
