258

پاکستان وچ غریبی کیویں مک سی؟

وزیراعظم عمران خان غریبی مکاؤپروگرام “احساس”دی مکھ وکھائی کردتی، اوہناں آکھیا پروگرام وچ 80 ارب روپے دا وادھا کیتا گیااے،عالمی بنک دی رپورٹ موجب پاکستان وچ غریبی دی شرح گھٹ ہوئی، 2001 وچ پاکستان دے غریباں دی شرح 60 فیصد سی جیہڑی 2014 وچ گھٹ کے 30 فیصد رہ گئی۔ پنڈاں وچ غریبی گھٹ نئیں ہوسکی۔
معیشت دے ماہراں داآکھنا اے جے عالمی بنک دے معیار (دو ڈالر فی دیہاڑی آمدن)نوں مڈھ رکھدیاں 60 توں 70 فیصد غریبی دی لکیر توں ہیٹھ اے۔سرکار پندراں ،وی ورھیاں دوران غریبی دی شرح دسن وچ ڈاھڈی ہیراپھیری کیتی۔ سرکار دے دعوے پئی غریبی دی شرح 17 فیصد منن والی گل نئیں۔ماہراں دی صلا اے جے لوکائی نوں مڈھلی سہولتاں دین مگروں ای غریبی دی شرح گھٹ کیتی جاسکدی اے۔
ماہراں داآکھنا اے،سرکار دی پروگرام دی کامیابی لئی ملک نوں غریبی دے شکنجے توں کڈنا پئے گا۔ایہدے لئی منصوبیاں اتے سدے سانویں طریقے نال کام کرن دی لوڑاے۔
پروگراماں وچ سبھ توں چنگا تے وڈا قومی منصوبہ بینظیر انکم سپورٹ پروگرام اے،جیہدے راہیں 60 توں 70 لکھ غریب خانداناں دی مالی مدد کیتی گئی، اس پروگرام دی اہم گل ایہدے باقاعدہ فارمولے دےکمپیوٹرائز طریقے نال ضرورت جوگ زنانیاں وچ رقم دی ونڈ اے۔
رپورٹ،بی بی سی

اپنی رائے دا اظہار کرو