532

ولایت پاکستان کیہ اے؟

شدت پسند تنظیم دولتِ اسلامیہ داعش نے انڈیا تے پاکستان لئی اپنی دو نویں شاخان ’ولایت ہند‘ تے ’ولایت پاکستان‘ بناون دا اعلان سوشل میڈیا اتے کیتا۔ پاکستان دولت اسلامیہ شاخ دا اعلان ولایت ہند بناون توں پنج دیہاڑ مگروں کیتا گیا۔
اوہناں پندراں مئی نوں بلوچستان دے ضلع مستونگ وچ اک پلس افسر نوں مارن تے کوئٹہ وچ پاکستانی طالبان شدت پسند نوں ہلاک کرن دی ذمہ داری قبول کیتی۔

دوجے پاسے کشمیر دے علاقے شوپیاں وچ اک کارروائی دی ذمہ واری ولایت ہند قبول کرلئِ۔ پہلاں پاکستان دولت اسلامیہ دی ولایت خراسان برانچ دعوے کردی سی۔
اینہاں اعلاناں مگروں انڈیا تے پاکستان وچ نویں بحث ٹرپئی اے پئی ایہہ شدت پسند تنظیم دوہاں ملکاں وچ واقعی اپنی ہووند رکھدیاں نیں یا نئیں؟
پاکستان دی سیاسی تے فوجی قیادت پہلاں وی آکھدی رہی اے پئی ملک وچ موجود شدت پسند گروپ دولت اسلامیہ دا ناں ورت رہیاں نیں۔
بی بی سی نال گل کردیاں پاکستان وچ انسدادِ دہشت گردی دے قومی ادارے نیکٹا دے سابق سربراہ احسان غنی دسیا ’پاکستان وچ داعش دا وجود اے، ایس گل نوں رد نئیں کیتا جاسکدا، اجیہی سوچ کہ دولت اسلامیہ نئیں اے آپ نوں دھوکا دیون والی گل اے۔

احسان غنی دسیا کجھ بندے اجیہی تنظیماں دی فکر تے تشدد دے فلسفے توں متاثر ہوندے نیں تے ایس نوں درست سمجھدے نیں ایہوں لوک مختلف نیٹ ورکس راہیں اینہاں تنظیماں نال رابطے وچ آجاندے نیں۔ جیہدے مگروں اپنے طور کارروائیاں دی منصوبہ بندی کردے نیں۔ ایہہ آکھیاجاسکدا اے اوہناں دے حامی، ہمدرد تے اکوجیہی سوچ رکھن والے ہوندے نیں ایس طرحاں اوہ اپنا وجود رکھدے نیں۔ ‘
جیویں دو ورھے پہلاں گجرات وچ کجھ لوک پھڑے گئے، جیہڑے شام گئے سن یا جاون دی سوچ رہے سن۔ اوہناں دا آکھنا سی ہن عراق تے شام وچ وی پہلاں ورگے حالات نئیں رہے،جیویں داعش پہلاں سوچدی ہوندی سی، کہ ایتھے اوہ اپنے پیر پکے کرلے گی۔
’ہاں ایہہ ضرور اے پئی افغانستان تے دور چڑھے دے ملکاں وچ شدت پسند تنظیماں پیر پکے کرن لئی تھاں مل سکدی اے۔ اوتھے رہ کے حملیاں دی منصوبہ بندی کرنا تے اوسے نوں مرکز بنالینا۔ ‘
نویں صورتحال اتے کیویں قابو پایا جاوے، ایہہ سیکیورٹی اداریاں لئی اک چیلنج ہووے گا، جدوں پرانے شدت پسنداں نوں نویں موقعے ملدے نیں تاں اوہناں دی آپریشن دی صلاحیتاں ودھدی جاندیاں نیں۔ مدد تے تعلق وی ودھدا اے۔
ایس سوال اتے کہ ولایت پاکستان دے بناون نال شدت پسندی دی کارروائیاں تیز ہوجاندیاں نیں۔، احسان غنی آکھیا ’میری نگاہ وچ ایس قیام نال زیادہ فرق نئیں پووے گا۔ ‘
پاکستان وچ ہن صورتحال پہلاں ورگی نئیں رہی تے فوج دے آپریشناں تے کریکٹ ڈاون مگروں ہن ات گرد گروپاں نوں سوکھے ٹھکانے نئیں لبھدے داعش تے دوجے گروپ افغانستان وچ اپنی تھاں بناون دی کوشش کررہے نیں ہاں پاکستان وچ اوہناں نوں ہن اپنی کارروائیاں کرنا مشکل ہوجاوے گا۔ ماہراں دا آکھنا اے پئی اساں دہشت گرد مکادتے شاید پر ساڈے کولوں دہشت گردی نئیں مکی۔
دوجے پاسے فوج،پلس تے ہور سیکیورٹی اداریاں نوں داعش دے موجودگی دی شہادتاں نئیں ملیاں ، فیر وی اوہناں نوں اینہاں کارروائی اتے تشویش پائی جاندی اے۔
دوسری جانب فوج، پولیس اور دیگر سکیورٹی اداروں نے واضح کیا ہے کہ دولت اسلامیہ کی موجودگی کے شواہد نہیں ملے، تاہم اس رحجان پر تشویش کا بھی اظہار کیا گیا۔
ماہرکہندے نیں، بھارت امریکا دا بیلی ملک اے، کشمیر وچ داعش آگئی تاں اوتھے انڈیا دی جنگ امریکا دی عالمی جنگ دا حصہ بن جاوے گی، کشمیریاں اتے ہوون والے ظلم انسانی حقاں دی النگھنا نئیں سگوں عالمی پدھر اتے دہشت گردی خلاف جنگ سمجھی جاوے گی۔ اوہناں دا آکھنا اے کشمیر وچ داعش موجود نئیں ہاں اوس توں متاثر کجھ لوک نیں۔
شکریہ بی بی سی

اپنی رائے دا اظہار کرو