112

بولی مشکل یا سوکھی نئیں ہوندی ….. لکھت نعیم سادھو

لکھت نعیم سادھو
لفظالی(diction) تے خیال دا اختیار شاعر دا اے ، ایس نوں سمجھنا ، نا سمجھنا یا رد کر دینا پڑھیار دی مرضی سیانف تے قابلیت اے ۔ بولی مشکل یا سوکھی نئیں ہوندی ، جو لفظ اساں چھڈ کے دوجیاں بولیاں دے لفظ رٹے اوہا بھلے وسرے لفظ سانوں اوکھے جاپدے نیں ۔اپنے لفظ چھڈ اوپرے لفظاں دی جگالی کرن نال ای بولی ہولی ہولی بھلدی تے مردی جاندی اے ۔ اساں اپنی بولی چھڈ چکے ہاں ، جو بولیندے ہاں اوہ آپنی اپنی جوہ دے لہجے وچ اردو انگریزی دی جگالی اے جو پنجابی دی نائوں تے ورتائی جاندی اے ۔ پنجابی دا گھیر بہت وڈا اے ایس لئی اپنے پنڈ شہر تے گھروں باہر بولے ورتے جاون والے اکھراں تے ہا ہا کار تے رولے دی بجائے اونہاں دے ارتھ (مطلب ) ویکھ لئیے تاں بولی وی بچ جائے گی تے ساڈی ناواقف لفظاں توں تکلیف وی گھٹے گی ، بے سری بے ہدایئتی دانشوری توں آرام وی آجائے گا

اپنی رائے دا اظہار کرو