585

اپنی ھتھی سولی چڑھیا…

لکھاری زاھد اقبال بٹ
دماغ وچ روز دیھاڑے لکھاں خیالات بندے دے وس وچ نھیں تے نا ھی اجیھے مینھ وانگوں وسدیاں خیالاں نوں قابو کیتا جا سکدا اے اجوکے سمے وچ سوچاں دا ایہ بے قابو ھڑہ بندے نوں روڑھی جا رھیا کسے پاسے ٹکن دا ناں ای نھیں لیندا۔آخر اس ھڑہ دا انت کیہ اے۔اس دا جواب بھوں اسان اے کیونجے ویلے وی چکی بندے دے ھتھ وسوں وچ اے ۔ اوہ جس رنگ وچ چاھے اوس رنگ وچ اپنے آپ نوں رنگ سکدا اے ۔ھار،جت،مال مویشی،دھن دولت ،جوبن ٹھگی سب ملن ،وکن لئی تیار نیں۔ھن معاملا رنگ دے چنن دااے۔رنگ بھانویں فقردا ، یاں ول فریب دا، رنگ بھانویں جیون بھید دا، یاں جنس پرستی دا،رنگ بھانویں ھتھی سولی چڑھن دا بھاویں اپنی آئی سھن دا، رنگ بھانویں پریت دا یاں متھے لگی کالک دا،
ایہ سب رنگ ملن ،وکن لئی تیار نیں۔ ایہ رنگ تھاڈے مرضی نال تھاڈے subconsciousness وچ ڈھو لاون لئی تیار نیں جو رنگ تیرے چڑھاوے چڑھیا اوسے رنگ دا شور تیرے لڑ لگیا، چک زمینوں آسمانی کھڑیا،رولا پایا بے مراداں ھائے ایھ رنگ سانوں کیوں نھیں چڑھیا ۔۔۔۔۔ ھائے… ایھ رنگ سانوں کیوں نھیں چڑھیا ۔۔۔۔

اپنی رائے دا اظہار کرو