721

آکڑ تیری کھنڈ کھڈونا

لکھاری زاھد اقبال بٹ
پوری دنیا وچ اک مائیکروسکو پک کرونا وائیر س نے تھرتھلی مچا دتی ، جو بیماریاں نوں نتھاں پاون دے دعویدار سن اوھناں نوں اصلی شکل دکھا دتی ۔جھڑے آکڑ آکڑ مصروفیت دا چھٹا لوکاں اگے لاوئندے سن ،اوھناں دی ایہ خماری منٹاں وچ مکا چھڈی ، کیہ ھن رہ گیا اے تیرے پلے جھوٹھیا ،خالی سی تیری جھولی سارے جگ نوں وکھا دتی ، مترا ساری دنیا دا رونا دھونا،چکر مکر اک پاسے ، اس اک واری اپنی ضد اس سارے جگ نوں وکھا دتی ۔ایھ گلی باتی نال ٹلیا نھیں ،اس اپنی تلی اتے موت سبھ نوں وکھا وتی ۔ ایھ ” کرونا ” کسے دے لالچ وچ نھیں آیا ، ساری دنیا نوں اپنی فراخدلی وکھا دتی۔ ا یہ بے شک نظری نھیں آوندا، اڈدا پھٹدا رھندا اے پر مترا اس راگی نے ٹٹی پھجی موت دی بگل وجا د تی ۔ ایھدے ساھمنے ترلے منتاں کس کم دیاں ،ایس ظالم انساناں لئی بدوبدی زمین کھدوا دتی ۔ لگدا اے کجھ تے ھے اس دے پلے، ساری دنیا دی دوائیاں دی چھٹی کرا دتی۔ ایھدے “وار ” لکھاں ،کروڑاں،عرباں توں وی بھارے نیں سارا دن کسرتاں کرن والیاں دی آکڑ کھنڈ کھڈونا بنا دتی.. اساں تے ساری حیاتی من منتراں نوں چوگ چگاندے رھے،ایہ جوکاں ساڈے جسیاں نوں شھد بنا بنا “لپاں ” بھر بھر کھاندے رھے، اس گھٹن محول وچ اک ککھ ” کرونے “دے وار نے ، ساری دنیا دی چھت ھلا دتی، صریاں توں بھک دے ماریاں نوں روٹی چکھا دتی … صریاں توں بھک دے ماریاں نوں روٹی چکھا دتی

اپنی رائے دا اظہار کرو

آکڑ تیری کھنڈ کھڈونا” ایک تبصرہ

تبصرے بند ہیں