کرکٹ تے گل کرو،گالاں نہ کڈھو،سرفراز

لارڈز وچ جنوبی افریقہ خلاف میچ توں پہلاں پریس کانفرنس کردیاں کپتان سرفراز احمد آکھیا’سوشل میڈیا اتے کجھ وی لکھ دتا جاندا اے، جیہدے توں دل دکھ دا اے۔ انج نئیں ہوناں چاہیدا، کرکٹ اتے گل کرنی اے تے کرو، گالاں دینا چنگی گل نئیں۔
کرکٹ اک دن اوپر لیاندی اے، اک دیہاڑ ڈیگ دیندی اے، پاکستان دے کرکٹ چاہیوان بہوں جذباتی نیں، سانوں وی ہار دا دکھ ہوندا اے، فین سانوں ہمیش سپورٹ کیتا، آس اے فیر کرن گے۔
سرفراز احمد سابق کرکٹراں نال وی ناراض سن کہندے نیں ،کجھ لنگھے کرکٹر ٹی وی اتے خدابن کے بیٹھے ہوندے نیں، جیہڑے پاکستانی کرکٹراں نوں کھڈاری نئیں من دے، جے اوہناں بارے کجھ کہہ دتا تاں سانوں لتاڑن گے۔