اسلام آباد ڈیسک : اس ورھے مارچ توں بعد پاکستان ریلوے کرڑے مالی ماملیاں وچ پھس چکی اے جیکر ایہ ھی ٹورا ٹر دا رھیا تے اگلے دو مھینے وچ ملازماں دیاں تنخاھواواں تے پینشناں دے پواڑے ودہ جاسن . اجوکے سمے لاک ڈاؤن دی ھٹک مک چکی اے ، پر چلن والیاں گڈیاں گنتری وچ ادھی رہ چکیا نیں ،گڈیاں دے اپریشن وچ کوئی بھتری نظری نھیں آ رھی تے دوجے پاسے ریلوے راھیں سفر کرن والیاں وچ لگا تار گھٹا ھوندا جا رھیا اے ۔ پچھلے دو ھفتیاں توں لہور تے دوجے وڈے شہراں وچ مسافراں دی گھٹ گنتری ھوون پاروں ریلوے نے کئی گڈیاں نوں چلاون توں ڈک دتا اے .اک سرکاری بلیار دسیا کہ ‘پاکستان ریلوے پچھلے تن مہینیاں وچ 50 فی صد آمدنی توں ہتھ دھو بیٹھی اے کیونجے کورونا وائرس دا خوف، گڈیاں دی آوا جا وی وچ ویلے سر نہ اپڑن دے مسلے تے گڈیاں دےچوکھے حادثیاں کارن مسافراں دے گھٹ ھوون دی سبھ توں وڈی وجا بن دی جا رھی اے
395
مرسشد مقصود ثاقب جی جو تساں آکھیا سر متھے ،