سربیا دے دارالحکومت بلغراد وچ دنیا دی 188 پارلیمان اتے مشتمل انٹرپارلیمانی یونین (آئی پی یو) دی جنرل اسمبلی دا اجلاس ہویا جیہدے وچ اسپیکر قومی اسمبلی اسد قیصر دی قیادت ہیٹھ پاکستانی پارلیمانی وفد شرکت کیتی۔
اجلاس وچ بھارتی چال ناکام ہوئی تے پاکستانی پارلیمانی سفارتکاری دی تریخی فتح ہوئی، اعلامیے مطابق اجلاس وچ ایشیا پیسیفک ملکاں نے آئی پی یو دی مجلس عاملہ لئی متفقہ نمائندہ منتخب کرنا سی تے پاکستان دی پارلیمنٹ نے ایس عہدے لئی سینیٹر رضا ربانی نوں نامزد کیتا۔
پاکستان نے گروپ وچ خفیہ رائے دا مطالبہ کیتا جیہدے اتے بھارتی وفد نے انتخاب اگے پاون دی کوشش کیتی۔ پر اپنی یقینی ہار ویکھ دیاں بھارتی امیدوار ششی تھروور نے اپنا نام واپس لین دا اعلان کردتا تے اپنی شکست تسلیم کرلئی۔
337
