بروسلز: (ویب اسلام آباد سجن ڈیسک) مغربی مُلکاں دی فوجی سانجھ نیٹو نے روس دے خلاف اپنے نویں فوجی منصوبے تّیار کرن دا کم چُھو دتّا اے ۔
عالمی میڈیا رپورٹس موجب نیٹو دے ہیڈکوارٹر وچ پتر کاراں نال گل بات کر دیاں فوجی کمیٹی دے آگُو ایڈمرل راب بویر دا آکہنا سی کہ بھاویں روس دی زمینی فوجاں دا وڈّا حصہ یوکرین وچ لڑ رہیا اے پر فیر وی ایہ فوج ساڈے لئی خطرہ اے۔
اوھناں دا آکھنا سی کہ روس مُڑ توں اپنے آپ نُوں اسارن جا رھیا اے تے اس لئی نیٹو دے منصوبے روسی فوج دی موجودہ حیثیت نوں ویکھدیاں ھوئیاں نہیں سگوں یوکرین حملے تُوں پہلاں اس دی حیثیت نُوں ساھمنے رکھدیاں بنائے گئے نیں۔
اوھناں گل بات دا ٹورا ٹور دیاں آکھیا کہ اسیں روس نوں سمندراں ، فضاؤاں تے خلا وچ وی اک ڈاھڈے خطرے دے طور ویکھدے رھواں گے کیونجے اس دیاں فوجاں بہوں قابل نیں ۔
255
