اسلام آباد ،سجن رپورٹ
تبدیلی سرکار میڈیا دے احتساب دا وی بندوبست کرلیا، وفاقی کابینہ فیصلہ کیتا اے پئی اک اچیچا میڈیا ٹربیونل بنایا جاوے گا، جیہدے وچ سرکار سنے سبھے احتساب لئی تیار رہن گے، وزیراعظم دی اطلاعاوں دی مددگارفردوس عاشق اعوان دا کہنا سی کہ میڈیا ریاست دا چوتھا تھم اے، وزیراعظم میڈیا دی آزادی اتے یقین رکھدے نیں، اوہناں ایس ٹربیونل دے قیام دا فیصلہ کیتا اے، ’ٹریبونل نوں اختیار حاصل ہووے گا کہ شکایت اتے میرا، صحافیاں تے صحافتی اداریاں دے مالکاں سنے ایس نال تعلق رکھن والیاں دا احتساب کرسکے‘۔
اوہناں دسیا کہ شکایت پیمرا دی ’شکایت کونسل‘ توں نکل کے میڈیا ٹریبونل وچ آجاوے گی، ٹریبونل نویں تے پہلاں توں شنوائی دی اڈیک وچ پئیاں شکایتاں یاں مقدمیاں دا جائزہ لئے گا۔
’اسپیشل میڈیا ٹریبونل دی سرپرستی اعلیٰ عدلیہ کرے گی تے ٹریبونل 90 دناں اندر شکایت دور کرے گا‘۔
312
