سجن رپورٹ، جسٹس قاضی فائز عیسی دے خلاف سپریم جوڈیشل کونسل وچ گھلے ریفرنس دے معاملے اتے وکیلاں وچ گروپ بندی ہو گئی اے۔ وکیلاں دی ایکشن کمیٹی نے 14جون نوں جسٹس ہوراں دی حمایت وچ ہڑتال دی مخالفت کردیاں پاکستان بار کونسل کولوں ریفرنس خلاف وکھالے نہ کرن دا مطالبہ کر دتا اے۔ وکلاء ایکشن۔کمیٹی نے سپریم جوڈیشل کونسل نوں اپیل کیتی کہ بئی ریفرنس دا فیصلہ چھیتی کیتا جاوے۔ دوجے پاسے پاکستان بار کونسل ریفرنس بناون اتے قاضی فائز عیسی دی حمایت وچ سڑکاں تے آون دے فیصلے توں پچھا ہٹن لیی تیار نئیں۔ سپریم کورٹ بار دے لیڈراں وکیلاں وچ پھٹ پاون وچ حکومت دا ہتھ دسیا اے۔ اوہناں آکھیا بئی کوئی سازش کامیاب نئیں ہوون دیاں گے۔ 14 جون نوں وکیلاں دے اتحاد ساہمنے سرکار دی ساریاں سازشاں ناکام ہو جاون گیئاں۔
383
وکیلاں دی سپریم کورٹ بار تے پاکستان بار کونسل تے ساریاں ہیٹھلیاں کونسلاں وچ مقرر مدت بعد الیکشن ہوندے نیں تے دھڑے بندی دا کلچر بہوں پرانا اے. ایہدا مطلب کہ گھٹو گھٹ دو دھڑے ہر ویلے موجود رہندے نیں. جدوں جمہوریت تے آئین دی وڈیائی دے حمایتی وکیل کسی کروشیل مسئلے تے “اسٹیبلشمنٹ” دے مفاد دے خلاف پوزیشن لے لیندے نیں تے فیر سیاسی انجینئیرنگ لئی بدنام ایجنسیاں اپنے حمایتی وکیلاں نوں اپنے مفاد دی پٹی پڑھا کے میڈیا وچ پیش کروا دیندیاں نیں. صحافیاں نوں تے ایس کھیڈ دا چنگی طرحاں پتہ اے. ایس نوں “پھوٹ” قرار دینا تے زیادتی اے.