170

جنانیاں خلاف جرم: پچھلے اک ورھے برطانیہ وچ 177 سوانیاں دا قتل، 90 فیصد توں ودہ قاتل مرد

( اسلام آباد سجن ڈیسک ) سرکاری گنتری موجب پچھلے اک ورھے برطانیہ وچ 177 سوانیاں دے قتل ہوئے جنہاں وچ راہ ٹردی جنانیاں توں اڈ گھروکی مار کٹائی تے کجھ قتل اپنے بوائے فرینڈ دے ہتھوں قتل ہوئیاں ۔ اک ویروے موجب 90 فی صد ایہ قتل مرداں ہتھوں ھوئے .
انگلینڈ تے خاص طور لندن بارے عام گویڑ سی کہ ایہ ثفاتی حوالیا نال ، آزاد خیال تے سوانیاں ( خواتین ) لئی قدرے حفاظتی شہر اے پر سوانیاں خلاف ماکٹائی دی گنتری پریشانی کرن والی اے ۔
اپریل 2020 توں لے کے مارچ 2021 وچکار انگلینڈ تے ویلز وچ 177 عورتاں نوں مار دتا گیا ۔
ایھناں وچ 58 کیسز اجیئے سن جنھاں دا علم نھیں کہ مارن والے مرد سن کہ عورتاں سن پر جنھاں قتلاں دی سیھان ( شناخت ) ہوئی اوھدے وچ 90 فیصد توں ودہ قاتل مرد سن ۔
ستمبر 2020 توں 2021 تائیں 41 ہزار سوانیاں ( خواتین ) نال جنسی تشدد کیتا گیا جیہڑا پچھلے ورھے توں 13 فیصد ودہ اے
پولیس نے 2021 وچ دسمبر تائیں گھروکی تشدد دے تقریبا 90 ہزار ماملے ریکارڈ کیتے جو پچھلے ورھے توں 7 فیصد (اضافہ) ودھ نیں۔

اپنی رائے دا اظہار کرو