بنگلا دیش سرکاردا جھکا پاکستان تے چین ول ودہ رھیا اے .

( اسلام آباد ڈیسک 26 جولائی) بھارتی اخبار دی ہندو نے ہفتے والے دیھاڑے بنگلہ دیش دے اک وڈے اخباری پرچے” بھوریر کاگوج ” دا حوالہ دیندیا دس پائی اے کہ 2019 وچ جد وزیر اعظم شیخ حسینہ واجد دے مڑتوں چون ھوون مگروں سارے بھارتی منصوبے سستی دا شکارنظری آوندے نیں جد کہ چینی انفرا اسٹرکچر دے منصوبیاں نوں ڈھاکے ولوں ودہ توں ودہ راہاں لبھ رھیاں نیں۔ اخبار دے ایڈیٹر شرمل دتہ نے اک مضمون میں وچ آکھیا اے کہ ‘بھارت دی تشویش دے باوجود بنگلہ دیش نے سلہٹ وچ ایئرپورٹ ٹرمینل بناون دا ٹھیکہ اک چینی کمپنی نوں دتا اے تے دوجے پاسے بھارتی ہائی کمشنر ریوا گنگولی داس چارمہینیاں توں بنگلہ دیش دے وزیر اعظم نال ملن لئی پر ماررھے نیں پر ایھناں نوں گل بات کرن دا ویلا نھیں لبھ سکیا..