پاکستان دے وزیراعظم عمران خان اک واری فیر انڈیا دے پردھان منتری نریندر مودی جی نوں سنیہا دتا اے پئی گل بات راہیں مسلیاں دا حل کڈیاجائے۔ عمران خان نیں ساڈی فوجاں نوں بھارت دی دھرتی وچ کارروائی کرن دا نئیں آکھیا گیا حالانکہ انڈین ہوائی سینا دے جہاز پاکستان صوبہ خیبرپختونخوا وچ بالاکوٹ دی نیڑے بم سٹے سن۔ پاکستانی جہازاں ایل او سی نیڑے انڈین ایئرفورس دی جہاز گرائے، پائلٹ نوں جنگی قیدی بنایا تے جنیوا کنونشن موجب اوس دا آدر کیتا۔ بھارت وچ بی جے پی دی سرکار نوں الیکشن کران لئی وی امن چاہیدا اے تے ریاست دی فوجاں نوں سیاست لئی لڑن مرن لئی نئیں گھلنا۔ بھارتی سوجھواناں تے میڈیا نوں تے اپنے میڈیا نوں وی،سجن ولوں ایہہ بینتی اے پئی امن لئی اپنا دماغ ورتے تے دہشت گردی تے جنگ نوں ڈکیا جائے۔ دو چاردناں وچ بارڈر دوہاں پاسے ہزاراں کشمیری تے پنجابی ٹبراں نوں اپنے گھربار چھڈ کے دوجیاں تھاواں تے جانا پے رہیا اے۔ ایس وچ اوہناں نوں ڈاھڈی اوکڑاں آرہیاں نیں۔دوجے پاسے ہوائی جہاز،تے ریل گڈیاں وی نئیں چل رہیاں۔ لوڑیندی شیوا مہنگیاں تے روگیاں نوں علاج لئی وی اوکڑاں دا سامنا اے۔
344