283

ٹیم وچ کوئی گروہ بندی نئیں، عماد وسیم

اسلام آباد وچ قومی ٹیم دے کھڈاریاں عماد وسیم تےشاداب خان پریس کانفرنس وچ ورلڈ کپ دی کارگزاری متعلق گل کیتی۔
عماد وسیم آکھیا سارے منڈے پاکستان لئی کھیڈے ، پاکستان تے بھارت وچ میچ مگروں میڈیا ٹیم وچ گروپ بندی دی خبراں دتیاں، اوہناں دسیا پئی اجیہی کوئی گل نئیں، میڈیا نوں کجھ خیال کرنا چاہیدا اے۔
اوہناں آکھیا سرفراز احمد نوں 15 ورھیاں توں جان دا آں، اوہ گروپ بندی کرن والا انسان نئیں، تے نہ ای ٹیم دا کوئی کھڈاری ایسا اے۔ سبھے پاکستان لئی کھیڈرہے نیں، کدے کسے دے مخالفت نئیں ہوئی، کپتان جو کجھ وی آکھے اوس نوں اک کھڈاری دے طور اتے ویکھناچاہیدا اے۔
عماد وسیم داکہنا سی کہ ویسٹ انڈیز توں اسیں بوہت بری طراں ہارے، اوس رن ریٹ کارن سانوں نقصان اپڑیا۔

اپنی رائے دا اظہار کرو