232

ورلڈکپ: سری لنکا تےافغانستان دامیچ بارش روک دتا

کارڈف وچ افغانستان دے بولراں اپنے دوجےمیچ وچ سوہنی بولنگ کرکے سری لنکا دی ٹیم نوں مشکل وچ پادتا، اوس دے 8 کھڈاری 128رنز اتےپویلین ٹرگئے۔
صوفیہ گارڈن وچ افغانستان دے کپتان گلبدین نائب نے ٹاس جیت کےپہلاں فیلڈنگ دافیصلہ کیتا۔
فیصلہ اوہناں لئی اک ڈراؤنا سفنا ثابت ہویا،کوشل پریرا تے کپتان دمتھ کرونارتنےنےتیزی نال رنز بناندیاں ٹیم نوں 92 رنزدی شروعات دتی۔ لہیرو تھریمننے نےکوشل پریرا دا ساتھ دتا تےاسکور 22 اوور وچ 144 تیک پہنچا دیا۔
سری لنکا دی اخیرلی آس کوشل پریرا 8ویں وکٹ دی شکل وچ پویلین ٹرگئی جدوں اوہ راشد خان دی گیند اتے ریورس سوئپ کھیڈدے کیپرنوں کیچ دے بیٹھے۔
میچ بارش پاروں روک دتا گیاسری لنکن ٹیم 182رنز بناون مگروں 8 وکٹاں کھواچکی سی۔

اپنی رائے دا اظہار کرو