54

رضوان ، بابر ٹُھس کر گئے ، حارث نوں اُتے پکا کیتا جائے …… زاھد اقبال بٹ

(اسلام آباد سجن ڈیسک ) محمد حارث نے ٹیم وچ نویں روح پھونک دتی اے پاکستانی ٹیم سیمی فائنل وچ رڑھدیاں رڑھدیاں اپڑ گئی اے پر اس ٹورنامنٹ وچ پاکستان دی اوپننگ جوڑی ٹھس ھو چکی اے ۔ محمد رضوان نے 2 واریاں وچ کجھ رنز تے بنائے پراوہ کسی ویلے وی چنگی فارم وچ نظری نہیں آئے ۔ پتا نھیں سلیکٹر سردائی پی کے ستے نیں دوجے پاسے بابر اعظم دا اسکور ٹورنامنٹ دے 5ویں میچ وچ پہلی وار 10 توں ٹپیا اے، تے دونواں دی ٹائمنگ دُور دُور تک وکھائی نہیں دتی.
لیکن دونواں کھلاڑیاں دی خراب فارم دا اس بار ایہ فائدہ تے ضرور ہویااے کہ پاکستانی ٹیم دی انتظامیہ تے خاص طور دونواں اوپنرز نوں ایہ ضرور پتا لگ گیا اے کہ دوناں دے اسکور دے بغیر وی پاکستانی ٹیم میچ جت سکدی اے۔ ایہ دونویں لاڈلے20 اوورز کھیڈن دی تھاں اپنے اسٹرائیک ریٹ اتے اکھ رکھن تے زیادہ وقت نائی کولوں ٹنڈ رگڑان دی تھاں نیٹ پریکٹس تے دماغ حاضر رکھ کے میچ کھیڈن دی کوشش کرن تے پاور پلے وچ ٹُک ٹُک کرنا بند کرن ۔ اخیروچ میرا خیال اے بلکہ ص جتھے بیٹنگ آرڈر، باؤلنگ آرڈر تے ٹیم وچ تبدیلیاں کیتیاں جاسکدیاں نیں اوتھے اوپنر بدلن وچ وی کوئی حرج نہیں۔

اپنی رائے دا اظہار کرو