271

بھارت، نیوزی لینڈ پہلا سیمی فائنل اج فیر کھیڈن گے

مانچسٹر وچ اسمان اتے بدل چھائے سن، عالمی کپ دا پہلا سیمی فائنل سی، نیوزی لینڈ ٹاس جت کے پہلا واری لین دا فیصلہ کیتا، ایس وار وی مارٹن کپٹل دی قسمت ساتھ نہ دتا اوہ جسپریت بمرا دی گیند اتے کوہلی ہتھوں آوٹ ہوگئے۔
ایس مگروں ہنری نکولس تے کپتان کین ولیمسن نے ذمے داری وکھائی تے وکٹ اتے کھلوتے رہے، اوہناں دوہاں 68رنزاں دی ساجھے داری نبھائی۔ رویندرا جدیجا نے 28رنز بنان والے نکولس دی وکٹ لے کے دوجا نقصان اپڑیا
ولیمسن دے نال تجربہ کار راوس ٹیلر آکے کم چالو کیتا، دوہاں 65رنز دی شراکت بنائی، جدے کارن ٹیم دی حالت کجھ کھلون جوگی ہوگئی۔ رن ریٹ نوں تیز کرن دی کوشش دوران اک ہور وکٹ ڈگ گئی۔ جدوں ولیمسن وکٹ گنوا بیٹھے، اوہناں نے 67رنز دی اننگز کھیڈی۔
ہالے 46.1 اوورز دا کھیل مکمل ہویا سی کہ میچ وچ مینہ پے گیا، بارش کارن کھیڈ روکنا پے گیا۔ کھڈاری پویلین پلٹ گئے، ہن باقی دا کھیڈ بدھ نوں ہووے گا۔

اپنی رائے دا اظہار کرو