277

بوم بوم دی کتاب، غلطیاں دی پنڈھ

کرکٹ شاہد آفریدی سوانح حیات ہڈورتی کتاب “گیم چینجر” وچ نمبراں تے تریخ دی غلطیاں پاروں دوجے لوکاں دی تھاں متنازعہ ہون لگی اے، لیجنڈری جاوید میانداد دے یادگار چھکے، پاکستان دی ٹیسٹ کامیابی ، اپنے ہی چیف سلیکٹر دا نام نالے نکی عمر وچ سنچری بناون دے ریکارڈ اتے غلطی کیتی اے۔
بوم بوم آفریدی دی کتاب وچ لکھے سچ اتے وی کئی سوال کھڑے ہوگئے نیں۔
جاوید میانداد دے شارجہ لگے تاریخی چھکےداسال انیس سو چھیاسی دی تھاں ستاسی لکھیا اے۔
2005 وچ بھارتی دھرتی اتے بنگلور ٹیسٹ دی جت نوں ڈرا لکھ کے وڈا سوالیہ نشان لادتا۔ آل راؤنڈر اپنے کیرئر دے پہلے ون ڈے بارے وی گلاں غلط دسیاں۔
اوہناں 37 گینداں اتے تیز سیکڑا کدوں بنایا، عمر 19ورھے سی یا 21، شاہدآفریدی ایس کارنامے بلکہ عالمی ریکارڈ نوں وی خطرے وچ پادتا۔ بھارتی بلے بازگوتم گمبھیر نال لڑائی دا ورھا 2007 دی تھاں 2010 لکھ کے تنقیدکرن والیاں نوں انگلاں چکن دے موقع دے دتا۔

اپنی رائے دا اظہار کرو