اعجاز کنور راجہ من موھنا شاعر وزیرآباد دا وسنیک ایف سی کالج توں پڑھیا ، من موجی اعجاز کنور راجہ اپنی وکھری ڈھول چال وچ دوروں ای ٹردا نظری آجاندا اے ۔۔ ویلے دے گزرن نال شاعری جسے دے ودھن دے نال اندروں اندری پلدی رھی تے اپنے لفظاں دی ورتوں تے اپنے وکھرے انداز پاروں لوکاں نوں گھیر لیندی اے ۔۔۔۔اپنے بے خوف لہجے دی بدولت مزاحمتی کندھاں نوں وی ٹکر دیندیاں نظری آوندے نیں — اعجا ز کنور راجا اردو، پنجابی دے اکھاڑے وچ اپنی زورآزمائی تے ھتھ جوڑی وچ مصروف رھندے نیں تے میں اوھناں دی 38 ورھیاں پھلاں دی مورت مکمل کرن دی کوشش وچ لگیا آں- شاعری وچ وزیر آباد دا وڈا ناں تے نکھری تے نگھی ملائیم طلسماتی شخصیت رکھن والا من موموھنا شاعر نکی عمرے ( کشمیر کی بیٹی )، تے (کا لیا کا گا ) جئیاں نظماں لکھ کے شہرت حاصل کیتی اوھناں دیاں کتاباں “کف خاک ” تے ” دم آب ” پڑھن لائیق نیں …… چیتے رھوے کہ وزیر آباد شاعری دا وڈا گڑہ وی سی تے اوس ویلے مشاعرے ایس ۔ کے ۔ گرلز ھائی سکول وچ ھوندے سن جنھاں وچ دائم علی شاہ تے صائم علی شاہ ورگے استاد شاعر وی بیٹھک کریندے سن تے نویں نسل دے سر کڈھوے شاعروی اس ادبی بیٹھک دا حصا ھوندے سن اسیں آس رکھنے آں کہ وزیرآباد وچ ایہ منچ مڑ توں ایس دھرتی اتے رنگ بھرے گا
299
