اسلام آباد : (سجن ڈیسک) اداکار عمر شریف نے اپنی تیجی ووھٹی دے خلاف چوری چھپے فلیٹ ویچن توں باز رکھن لئی سندھ ہائیکورٹ دا پلہ پھڑ لیا اے
میڈیا رپورٹس موجب عمر شریف اجوکی سمے ڈاھڈے بمارنیں تے اوہ وہیل چیئر اتے عدالت اپڑے۔ ایھناں دا کیس جسٹس محمد علی مظہر ھوراں نال بنائے ھوئے بنچ اگے سنیا گیا ۔
عمر شریف دے وکیل نے اکھ بھر کے آکھیا کی عمر شریف نے 2016ء وچ بینک توں ادھار پیسے لے کے اپارٹمنٹ مل لیا سی تے اجوکے سمے اوھناں نوں بھلن دا روگ متھے لگا اے، عمر شریف دی تیجی ووہٹی زرین غزل نے دسمبر 2020ء وچ عمر شریف نوں دابے وچ تڑھیاں لاء کے اپارٹمنٹ اپنے ناں کروا لیا سی تے ایس ویلے ایس فلیٹ دا مل 11 کروڑ روپے اے۔
عمر شریف نے عدالت دے ساھمنے آکھیا کہ مینوں شک اے متے میری تیجی ووھٹی ایہ مھنگا اپارٹمنٹ ویچ ای نہ دیوے لہٰذا عمر شریف ولوں بنتی کیتی گئی کہ اس دتے گئے تحفے تے لکھے گئے عدالتی کاغزاں نوں رد کیتا جائے
سندھ ہائیکورٹ نے عمر شریف دی تیجی ووہٹی زرین غزل نوں اپارٹمنٹ ویچن دی مناھی دا نوٹس جاری کر دتا اے
303
