بھارتی کشمیر وچ سیکیورٹی فورسز اتےحملے وچ 44 فوجیاں دی ہلاکت دا ذمے دار پاکستان نوں ٹھہرادتا۔اوس پاکستان توں ’پسندیدہ ملک‘ دا درجہ واپس لے لیا۔بھارت نیں معاملے دی پرچول کیتے بغیر ای پہلاں دی روایت تے چلدے ،اک وار فیر پاکستان اتے حملے دا الزام لادتا ۔وزیرخزانہ ارون جیٹلی میڈیا نوں دسیا پئی مودی کابینہ نیں پاکستان نوں سفارتی اکلاپے داشکار بناون لئی فیصلہ کیتا۔ جیہڑا پسنددی قوم دا درجہ دتا سی اوہ واپس لے لیا۔
بھارت سرکار نے دلی وچ پاکستانی ہائی کمشنر نوں خارجہ دی وزارت وچ طلب کرلیا، ایس دے نال ای اسلام آباد وچ بیٹھے اپنے ہائی کمشنر نوں وی صلامشورے لیے دلی بلالیا۔
اودھربھارتی وزیر اعظم نریندر مودی نیں حملے دے ذمے داراں نوں سبق سکھاون داہوکا بھریا۔تے آکھیا کہ اوہ دہشت گرد گروہاں تے اوہناں دے چلاون والیاں نوں چیتاونی دیندے نیں کہ اوہناں ڈاھڈی غلطی کیتی اے ایس دا مل چکانا پئے گا۔مودی آکھیا کہ پاکستان انڈیا نوں تباہ کرن دا سپنا چھڈدیوے۔
امریکا وی حملے دی مذمت کیتی تے پاکستان توں اچیچامطالبہ کردتاکے اپنی دھرتی اتے کم کرن والے آتنک وادی گروہاں دی فوری حمایت تے محفوظ ٹھکانے بند کرن داحکم دیوے۔
پلوامہ حملےمگروں بھارتی انتہا پسند آپے توں باہرہوگئے، اوہناں درجناں گڈیاں ساڑدتیاں ، ریاست چھتیس گڑھ وچ کشمیری پڈھیاراں اتے تشددکیتا،چارپھٹرجوانوں نوں ہسپتال داخل کرادتا
(شکریہ بی بی سی۔ڈان)
460
