اک تحقیق موجب پاکستان انٹرنیٹ ورتن والیاں لئے دنیا دے سبھ توں غیرمحفوظ ملکاں وچ اک اے۔ ایتھے ورتے جاون والے 25 فیصد موبائل فوناں اتے مال وینر یا وائرس دے حملے ہوچکے نیں۔
سائبر سیکیورٹی اتے پرچول کرن والے ادارے :کومپیری ٹیک: دی تازہ درجہ بندی مطابق الجیریا دنیا دا سبھ توں غیرمحفوظ ملک اے۔ جد کے جاپان سبھ توں محفوظ ملک سمجھیا جاندا اے۔ پاکستان دا غیر محفوظ ملکاں وچ ستواں نمبر اے۔ ایس تحقیق وچ دنیا دے صرف سٹھ 60
ملکاں نوں شریک کیتا گیا۔
پاکستان وچ ڈیجیٹل رائٹس اتے کم کرن والی تنظیم بولو بھی، دا آکھنااے پاکستان وچ سائبر سیکیورٹی بارے مڈھلی جانکاری وی نئیں ہوندی۔ ایس لئی کوئی حیرت والی گل نئیں، پاکستان دا شمار اوہناں ملکاں وچ ہوندا اے جنہاں دا سائبر سیکیورٹی نظام بدترین اے۔ ایتھے ذاتی جانکاری بارے سائبر سیکیورٹی دے حوالے نال کوئی قانون وی نئیں۔
( شکریہ بی سی سی )
