پھوکٹ وچ پاکستان دی سیر

رپورٹ ، بی بی سی
دنیا گھومن دا شوق ہر کسے نوں ہوندا اے، کدے کسے بال نال سوال کرکے ویکھو، اوہ وڈا ہوکے کیہ کرنا چاہندا اے، اوہ جھٹ جواب دیوے گا، پوری دنیا دا سفر کراں گا۔ ایہہ وکھری گل اے اسیں وڈے ہوکے اپنے نکے ہوندیاں دے ایس ارمان دا خون کردیندے آں۔ ہاں کجھ دیوانے اجیہے وی ہوندے نیں جیہڑے ایس سدھر نوں مرن نئیں دیندے، ایہہ آوارہ گرد ہزار جتن تے دنیا دی مخالفت مُل لے کے وی انجان راہواں تے گواچی منزلاں ول مونہہ کرنا نئیں چھڈدے۔ پاکستان دے شہر کراچی دا 27 سالہ فوٹو گرافر تے وی لاگر ارسلان جوکھیو وی اک اجیہا آوارہ گرد اے۔
ارسلان دنیا گھوم دا اے اوس دی جیب وچ اک دھیلا نئیں ہوندا، ایہہ سبھ کیویں ہوندا اے،
دورانِ سفر کجھ ہچ ہائیکرز رہائش لئی کاؤچ سرفنگ کردے نیں۔ ایہہ عالمی پدھر اتے اک ورتیا جاون والا طریقہ اے جیہدے راہیں کوئی وی بندہ کسے اجنبی دے گھر مفت رہ سکدا اے۔ ایہدے لئی کئی ویب سائٹاں ورتیاں جاندیاں نیں، جنہاں وچ مشہور’کاؤچ سرفنگ ڈاٹ کام‘ اے۔ ویب سائٹ راہیں رہائش دینی یاں حاصل کرن والے اک دوجے نال رابطہ کردے نیں، انج اک پروہنا تے دوجا میزبان بن جاندا اے۔
بے سہارا بالاں دے ادارے ایس او ایس چلڈرن ویلیج وچ نکے ہوندیاں گزارن والے ارسلان جوکھیو سفر دا صحیح معنی وچ مزہ لینا چاہندا اے۔ اوہ سمجھ دا اے کہ کسے گڈی یا ہوائی جہاز وچ سوار ہودوجے پاسے اتر جاون وچ کوئی ایڈونچر نئیں اے۔
’اصل مزا تاں ایس وچ اے جے میں 100 کلومیٹر وی کراں تے گھٹو گھٹ دو تن نویں یار بیلی بناواں تے اپنے یاراں دا حلقہ ودھاندے دنیا دا سفر کراں۔ ارسلان دا ہچ ہائیکنگ دا شوق ابتدا وچ اوہناں دی لوڑ سی، ہر جوان وانگ اوہدی جیب خالی تے خواب وڈے سن۔ ’بچپن وچ بوائز سکاؤٹس نال رہ کے مینوں سیر سپاٹے دا شوق ہویا میں اپنا ملک گھومن دا آہر کیتا۔ میرے کول کوئی وسیلہ وی ناں سی۔‘
’میں یوٹیوب اتے غیر ملکی ہچ ہائیکرز دی ویڈیوز ویکھیاں تے اوہناں توں رہنمائی لیتی، ہن میں بجٹ ٹریولنگ کردا آں تے بوہت گھٹ خرچ وچ اپنی پسندیدہ تھاں دی سیر کرلیندا آں۔‘