نویں دلی: بھارت وچ 2020 دا سواگت شہریت ترمیمی ایکٹ تے این آر سی دے خلاف مظاہریاں نال کیتا گیا، تاں دوجے پاسے اک تعلیمی ادارے آئی آئی ٹی کانپور نے اک پڑچول کمیٹی بنائی اے جیہڑی ایہہ گل ویکھے گی کہ فیض احمد فیض دی نظم’ʼہم دیکھیں گے‘‘ کدھرے ہندوواں دے خلاف تاں نئیں لکھی گئی سی۔
کمیٹی اک فیکلٹی ممبر دی شکایت اتے بنائی گئی اے تے فیکلٹی ممبر دعویٰ کیتا اے کہ نظم دا اک مصرعہ’’جب ارضِ خدا کے کعبے سے، سب بت اٹھوائے جائیں گے” تے اک دوجا مصرعہ “بس نام رہے گا اللہ کا” ہندو مذہب خلاف اے۔
ایس درخاست تے کمیٹی متعلق پڑھیاراں دا آکھنا اے کہ شکایت کرن والا فرقہ وارانہ ذہنیت دا مالک اے تے فرقہ ورانہ مواد پوسٹ کرن کارن اک سوشل نیٹ ورکنگ سائٹ نے اوس اتے ہٹک وی لادتی اے۔
میڈیا رپورٹ مطابق بھارت وچ جاری مظاہریاں دوران فیص دی ایہہ نظم خوب مقبول ہورہی اے۔ ایس توں اڈ حبیب جالب دی نظم ’’دستور‘‘ وی بوہت پڑھی جارہی اے۔
423
