پاکستان مسلم لیگ (ن) دے رہنما خواجہ آصف نے آکھیا کہ رانا ثناء اللہ دی ضمانت منظور ہوگئی اے جیہدے نال قسماں کھان والیاں دا مؤقف چکنا چور ہوگیا۔
لاہور ہائیکورٹ نے مسلم لیگ (ن) پنجاب دے صدر رانا ثناء اللہ خان دی منشیات برآمدگی کیس وچ ضمانت منظور کیتی سی۔ عدالت نے رانا ثناء اللہ نوں 10، 10 لکھ روپے دے دو مچلکے جمع کران دا حکم دتا سی۔
خواجہ آصف دا ردعمل وچ کہنا سی کہ رانا ثناء اللہ دی ضمانت منظور ہوگئی اے
سرکار نے ڈیڑھ ورھے وچ مخالفاں تے اختلاف نوں کچلن سواکجھ نہیں کیتا۔ اوہناں
مریم نواز دی ای سی ایل توں نام کڈھن درخاست رد کرن اتے کہیا کہ ایہہ کس گل دا انتقام اے؟ اک پاسے سرکار اپوزیشن نال گل بات تے دوجے پاسے گرفتاریاں کررہی اے، ایسراں ماحول وگڑے گا۔
مسلم لیگ(ن) دی ترجمان مریم اورنگزیب دا کہنا سی کہ رانا ثناء خلاف آمدن توں ودھ اثاثے دا کیس نئیں بن سکیا تاں ہیروئن دا کیس بنا دتا۔
اوہناں کہیا کہ ’اللہ نوں جان دینی اے‘ دی گردان پڑھی گئی، جھوٹھی قسماں کھائی گئیاں لہٰذا اللہ دا نام لےکے رانا ثناء اتے الزام لگان والے اپنا قلمدان واپس کردے، وزارت پاکستان کےلوکاں دی امانت اے،رب نوں جان رب دی مرضی نال دواں گے۔
344
