واشنگٹن: امریکا نے پاکستان نوں خبردار کیتا اے کہ پاک چین اقتصادی راہداری (سی پیک) منصوبہ پہلے توں قرضیاں دے بھار ہیٹھ دبے، بدعنوانی وچ وادھے دا سامنا کرن والے پاکستان لئی ہور مشکلاں پیدا کرے گا، جدکہ منافع تے روزگار چین نوں ملے گا۔
ڈان اخبار دی رپورٹ مطابق اک ’غیرمعمولی‘ تقریر کردیاں امریکی اسٹیٹ ڈپارٹمنٹ وچ جنوبی ایشیائی امور دی سبھ وں وڈی عہدیدار ایلس ویلز دا کہنا سی کہ ایس ارباں ڈالر دے منصوبے نال پاکستانی معیشت لئی ادائیگی ویلے مشکل پے جاوے گی۔
معاون سیکریٹری آکھیا کہ سی پیک پاکستان لئی امداد نئیں سگوں مالی معاملیاں دی اجیہی شکل اے جو چین دی سرکاری کمپنیاں دے فیدے دی ضمانت دیندا اے جدکہ پاکستان لئی ایس وچ بوہت معمولی فائدہ اے۔
جواب وچ چین نے (سی پیک) منصوبے وچ کرپشن دے الزاماں نوں رد کردیاں آکھیا کہ امریکا، سی پیک اتے کرپشن دے الزام لاندیاں احتیاط کرے۔
اسلام آباد وچ پنجویں سی پیک میڈیا فورم نال گل کردیاں پاکستان میں لگے چینی سفیر یاؤ جنگ نے آکھیا کہ ‘امریکی معاون سیکریٹری اسٹیٹ ایلس ویلز نے سی پیک اتے ٹپنی کیتی اے، سی پیک بارے کرپشن دی گل کرنا آسان اے جدکہ اوہناں کول صحیح جانکاری وی نئیں۔ نیب تے حکومتی ایجنسیاں نوں سی پیک منصوبے وچ کرپشن دے کوئی ثبوت نئیں ملے تے ایس وچ مکمل شفافیت پائی گئی لہٰذا امریکا، سی پیک اتے کرپشن دے الزام ناں لائے تےچنگا اے۔
337
