سابق وزیراعظم تے مسلم لیگ ن دے قائد میاں محمد نواز شریف نے علاج لئی ملک توں باہر جاون توں انکار کیتا اے، اوہ اجکل لاہور دے سروسز ہسپتال وچ علاج کرارہے نیں، جتھے اوہناں دے کئی مرضاں دے ٹیسٹ وی ہورہے نیں۔
دی نیوز اخبار دی رپورٹ مطابق نواز شریف دے قریبی خاندان ذریعاں دسیا پئی اوہناں ایہہ خواہش دا اظہار کیتا اے پئی اوہ اپنا علاج ملک وچ رہ کے کراون گے۔ ایس نال ای اوہ کسے بھی بھیڑے حالات نال نبڑن لئی وی تیار نیں۔
خاندان والیاں دا دسنا اے پئی نواز شریف وڈے حوصلے نال اپنی بیماری دا بڑی بہادری نال مقابلہ کررہے نیں، ایہہ وی دسیا جاندا اے پئی شدید بیماری تے تکلیف دے باوجود نواز شریف اپنے مقدمیاں تے قنونی معاملیاں اتے ڈونگی نگاہ رکھی اے۔ اوہناں نوں ایہہ وی پک اے پئی اوہ اپنے خلاف لائے الزاماں توں بری ہوجاون گے تے ایہہ قنونی جنگ وی جت لین گے۔
دی نیوز مطابق نواز شریف دے وڈے پتر حسین نواز کل سعودی عرب اپڑے جتھے مدینے وچ اوہناں اپنے والد دی صحت لئی دعا کیتی، اوہ کل لندن واپس چلے جاون گے، ایہہ وی دسیا گیا کہ کل العزیزیہ کیس وچ ضمانت ملن اتے اوہناں نال حسین نواز ، حسن نواز تے نکی دھی عاصمہ نے فون اتے اوہناں نال گل کیتی جدے وچ اوہناں آکھیا کہ اوہ اپنے علاج توں مطمئن نیں تے ہالے ایتھے ای علاج کران گے۔ حسین نواز نے اوہناں دی رپورٹاں لندن دے ڈاکٹراں نوں وکھائی اے،
345
