مولانا دھرنے توں پلٹ گئے،اپوزیشن نوں استعفے دی صلاح دے دتی
جمیعت علمائے اسلام ف دے آگو مولانا فضل الرحمان نے آکھیا اے کہ اسمبلیاں توں ساری سرکار مخالف جماعتاں رل کے استعفے دیوں اتے غور کررہیاں نیں۔ ایہہ فیصلہ کسے مناسب ویلے کیتا جاوے گا۔
بین الاقوامی میڈیا دے نمائندیاں نال گل کردیاں مولانا دا کہنا سی حکومت دا مینڈیٹ جعلی اے جنہوں پہلاں دیہاڑ توں نئیں منیا اے۔
آزادی مارچ حوالے نال گل کردیاں اوہناں آکھیا کہ ساڈا دھرنا نئیں مارچ ہووے گا، جیہدی مدت زیادہ نئیں ہووے گی، اوہنا احتجاج کراں گے کہ کارکن تھک نہ جاون۔
مولانا فضل الرحمان نے کہیا کہ آزادی مارچ روکن اتے کوئی ڈیل یاں سمجھوتہ نہیں ہووے گا تے ناں ای وزیراعظم دے استعفے دے مطالبے توں پچھے ہٹاں گے۔
348
