نصرت جہاں روحی انڈیا وچ نکی عمر دی ممبر پارلیمنٹ چنی گئیاں نیں، سیاست وچ آون توں پہلاں اوہ بنگالی فلماں دی مشہوراداکارہ رہیاں۔الیکشن وچ بنگال دی حکمراں جماعت ترنمول کانگریس دے ٹکٹ اتے جت گئیاں۔
بی بی سی نال گل کردیاں اوہناں آکھیا،’فلماں توں سیاست وچ آنا اک شعوری فیصلہ سی۔ جدوں میرا نام پہلی واری امیدواراں دی لسٹ وچ آیا تاں اک لمحے لئی ڈر جیا لگیا لیکن فیر ایس نوں اک ذمہ واری جان کے قبول کر لیا۔’
نصرت نے دسیا سیاست وچ آون مگروں اوہ مسلسل خبراں وچ رہیاں ،اوہناں نوں جواناں وچ قبولیت ملی۔
نصرت نے آکھیا کہ شادی بیاہ انسان دا ذاتی معاملہ اے۔ہر کسے نوں اپنا ساتھی چنن دا حق اے۔ زندگی میری اے، میں ایس نوں جیویں چلاؤں۔ میں جیہدے نال ویاہ کیتا اے، نہ اوہناں ویکھیا میں مسلمان آں، نہ ویکھیا کہ اوہ ہندو نیں۔ پہلاں تاں انسان زندگی نبھاون لئی چنگا ہونا چاہیدا اے ۔’
اوہناں آکھیا میں مسلمان پیدا ہوئی آں، میں مسلمان آں تے مسلمان رہواں گی۔ مذہب انسان دے دل وچ ہونا چاہیدا، دماغ وچ نئیں۔’
429
