اسلام آباد: چیئرمین سینیٹ صادق سنجرانی تبدیل کرن دی اپوزیشن تے ڈپٹی چیئرمین سلیم مانڈوی والا دی تبدیلی لئی حکومتی کوششں ناکام ہوگئیاں۔
سینیٹ دی تریخ وچ پہلی وار چیئرمین سینیٹ صادق سنجرانی نوں عہدے توں ہٹان دی قرارداد اتے رائے شماری ہوئی۔ قرار داد دی منظوری لئی 64 اپوزیشن دے سینیٹر کھلوتے، مگروں ووٹنگ دا عمل مکمل ہویا سرکار تے مخالف دھر دے پولنگ ایجنٹاں سامنے ووٹاں دی گنتی کیتی گئی
پریزائیڈنگ افسر بیرسٹر سیف نے جدوں اعلان کیتا کہ قرارداد دے حق وچ 50 ووٹ پئے ،جیہدے کارن ایہہ چاہیدے اک چوتھائی ووٹ نئیں لے سکی، بے وسائی ٹورے دے خلاف سرکار ولوں 45 ووٹ پئے جدکہ 5 ووٹ رد ہوئے۔ اپوزیشن دے بنچاں اتے کجھ چر پہلاں بڑی تسلی نال بیٹھے ممبر ہکے بکے رہ گئے، جد کے سرکاری پنچاں اتے گم سم ممبر اکو سار اچھلے اوہناں پنچ وجانا شروع کردتے۔
چیئرمین سینیٹ خلاف تحریک ناکام ہوون مگروں حکومت ولوں ڈپٹی چیئرمین سلیم مانڈوی والا خلاف بے وسائی تحریک پیش کیتی گئی ایہدے وچ اپوزیشن ووٹ نئیں پائے تے سرکار دے 32 ووٹ نکلن اتے تحریک ناکام ہوگئی۔
629
