واشنگٹن: ملک دے تعلیمی نظام اتے نویں پڑچول مطابق پاکستان وچ کئی بچے سکول وچ کئی ورھے گزارن دے باوجود اک جملہ تک نئیں پڑھ پاندے۔
ڈان اخبار دی رپورٹ مطابق پاکستان وچ تعلیم دے مسئلے اتے اپنی رپورٹ ’پاکستان وچ تعلیمی بحران: اصل کہانی‘ دے نام توں جاری کردتی۔
رپورٹ وچ اوہناں نشاندہی کیتی کہ 1 کروڑ 70 لکھ بچے پرائمری تعلیم حاصل کردے نیں، جدکے 50 لکھ نئیں کردے۔
اوہناں دسیا کہ اصل مسئلہ ایہہ وے کہ جیہڑے بال سکول جاندے نیں اوہ وی زیادہ کجھ سیکھ نئیں پاندے۔
اوہناں آکھیا کہ ’کئی بال سکول وچ ورھیاں تیک پڑھن مگروں وی اک جملہ نئیں پڑھ سکدے۔
ایہہ اک عالمی مسئلہ اے مگر پاکستان وچ صورتحال بدترین اے کیوں جے ساڈے ایتھے بدیسی بولی وچ تعلیم دتی جاندی اے‘۔
برٹش کونسل سروے دی رپورٹ دا حوالہ دیندے دسیا گیا اے کہ پنجاب دے 94 فیصد انگریزی تعلیم دین والے پرائیویٹ سکولاں وچ انگریزی نئیں بولی جاندی۔
وزیر اعظم عمران خان توں ماں بولی وچ تعلیم دین دی ہلہ شیری دیون دی منگ کردیاں تنظیم دی عہدیدار نادیہ نیوی والا دا آکھنا اے تعلیم لئی چندے دیوں والیاں نوں وی غیر ملکی زبان وچ چندہ منگن والیاں دے پروگراماں توں دور رہنا چاہید ااے۔
373
