’اپوزیشن سرکار ہٹانا چاہندی اے جمہوری نظام نئیں‘

لنگھے صدر تے پیپلزپارٹی دے آگو آصف علی زرداری نے پارلیمنٹ وچ پترکاراں نال گل بات کردیاں آکھیا کہ اپوزیشن جماعتاں دی اے پی سی بوہت کامیاب رہی، ’اپوزیشن سرکار ہٹانا چاہندی اے جمہوری نظام نئیں‘
جیہدے وچ سبھ اک سوچ نال بیٹھے تاں اک فیصلے اتے اٹھے، اوہناں آکھیا کہ سرکار مخالف جماعتاں اک مک نیں تے چیئرمین سینیٹ نوں ہٹاکے ایہہ ثابت کردیواں گے، زرداری ہوراں دا آکھنا سی پئی اپوزیشن جماعتاں کسے باہر دے سیاسی ایجنڈے اتے نئیں چل رہیاں، اوہ لوکاں نال ہوون والے دھرو اتے بھرویں آواز چک رہیاں نیں۔ اوہناں کہیا پئی ڈالر نال جو کجھ ہورہیاں اوس مگروں لوکاں دا کرنسی اتے وساہ مک گیا اے۔ آئی ایم ایف نال جیویں شرطاں منیاں جارہیاں نیں، ایس نال ملک دی معیشت دا بوہت برا حال ہوگیا اے۔ سرکار نوں لوکاں دی مشکلاں دا کجھ خیال نئیں اے۔