برینڈن مک کولم ورلڈکپ میچاں دی پیشگوئی کردتی

ایس ویلے جد کئی سابق کرکٹراں تے اور ماہراں ورلڈکپ 2019 دے سیمی فائنل وچ اپڑن والی ٹیماں بارے پیشگوئی کررہے نیں۔ اوتھے نیوزی لینڈ دے سابق کپتان برینڈن مک کولم نے اک قدم اگے آوندے ٹورنامنٹ دے ہر میچ دا نتیجہ دس دتااے۔

جے برینڈن مک کولم دی پیشگوئی سچ من لئیے تاں پاکستان تے انگلینڈ دے میچ سمیت سارے رزلٹ جان لواں گے۔
مک کولم نے میزبان انگلینڈ، بھارت تےآسٹریلیا نوں سیمی فائنل دی فیورٹ قرار دتا اے، چوتھی ٹیم بہتر رن ریٹ دی بنیاداتے آوے گی، ایس ٹیم لئی،نیوزی لینڈ، ویسٹ انڈیز، جنوبی افریقہ تےپاکستان وچکار جنگ ہووےگی۔
بھانویں ایونٹ وچ پاکستان دی شروعات بوہت بری ہوئی تے اوس نوں ویسٹ انڈیز ہتھوں شکست دا سامنا ہویا مگر 37 سالہ سابق کیوی کپتان دا ایہہ وی مننا اے کہ گرین شرٹس ٹورنامنٹ دے 9 گروپ میچاں وچوں 5 جت جاوے گی۔
برینڈن مک کولم دی پیشگوئی مطابق پاکستان گروپ میچاں وچ سری لنکا، نیوزی لینڈ، آسٹریلیا، افغانستان تے بنگلہ دیش نوں شکست دیوں وچ کامیاب رہے گا جدکے اوس نوں ویسٹ انڈیز، انگلینڈ، بھارت تے جنوبی افریقہ خلاف ناکامی داسامنا ہووے گا۔ مک کولم مطابق ایونٹ وچ سبھ توں آخری نمبر اتے سری لنکا تے بنگلہ دیش دی ٹیماں ہوون گی ،اوہ اک اک میچ جت سکن گئیاں ۔ بنگلہ دیش صرف سری لنکا نوں شکست دیوے گی جدکےسری لنکا ویسٹ انڈیز نوں ہرائے گی،
پیشگوئی کے مطابق انگلش ٹیم 9 گروپ میچز وچ 8 اپنے ناں کرپائے گی، اوس نوں بس آسٹریلیا ہی ہراپائے گی۔جدکے بھارتی ٹیم صرف انگلینڈ توں شکست کھائے گی ۔
آسٹریلین ٹیم 9 وچوں 6 میچ اپنے نام کرے گی ،اوس نوں ویسٹ انڈیز،بھارت تے پاکستان ہتھوں شکست دا سامنا ہووے گا۔