بکنگھم محل وچ کرکٹ ورلڈ کپ 2019 دی مکھ وکھائی تقریب ہوئی، جدے وچ کرکٹ شوقیناں دی وڈی گنتی شرکت کیتی۔ عالمی نوبیل انعام یافتہ پاکستانی پڈھیار ملالہ یوسف زئی نے کرکٹ 60 سیکنڈز چیلنج میچ وچ اظہر علی دے نال پاکستان دی نمائندگی کیتی۔
تقریب نوں ‘اوپننگ پارٹی’ دا نام دتا گیا، جدی شروعات وچ ویسٹ انڈیز دے عظیم بلے باز سر ویوین رچرڈز نے آکھیا ویسٹ انڈیز نوں ہرانا سوکھا نئیں اے۔
انہوں نے ورلڈ کپ دی مضبوط امیدوار ٹیماں دا نام لیندیاں آکھیا بھارت تے پاکستان توں ہٹ کے میزبان انگلینڈ وی اک وڈی ٹیم اے جیہڑی ٹورنامنٹ جت سکدی اے۔
پاکستان ولوں اظہر علی تے ملالہ یوسف زئی نے 60 سیکنڈز وچ 38 رنز بنائے جبدکے ویسٹ انڈیز نے سر ویوین رچرڈز دی قیادت وچ 47 رنز بنائے، بھارت ولوں انیل کمبلے تے بولی ووڈ اسٹار فرحان اختر نے 19 رنز بنائے۔
تقریب وچ چاچائے کرکٹ وی شریک سی، جنہاں پاکستان ٹیم کے حق وچ نعرے لائے، مگروں ورلڈکپ وچ شریک ٹیماں دے کپتاناں دی ملکہ برطانیہ نال ملاقات ہوئی جیہدے وچ اوہناں دی ایک یادگاری تصویر وی لیتی گئی۔
428
