کیہ بی جے پی فیر سرکاربناوے گی؟

بھارت وچ لوک سبھا دے چناواں لئی 19 مئی نوں ستویں تے اخیرلے مرحلے دی ووٹنگ مُک گئی۔ ملکی میڈیا نے ایگزٹ پول جاری کر ناشروع کردتے نیں۔جے ایہہ نتیجے توں پہلاں اندازے دے نتیجے سچ وچ بدل جاندے نیں۔ فیر بھارتیہ جنتا پارٹی (بی جے پی)کی قیادت وچ این ڈی اے دا اکٹھ مڑ راج سنگھاسن اتے بیٹھ جاوے گا۔

ایگزٹ پول مطابق این ڈی اے 300 سیٹاں حاصل کرسکدا اے،جدکے انڈیا وچ سرکار بناون لئی 273 سیٹاں دی لوڑ ہوندی اے۔ بی جے پی آپ دے ڈنڈاں اتے 300 توں ودھ سیٹاں جتن دا دعوا کررہی اے۔ سبھ توں وڈی ریاست اترپردیش وچ اوس نوں 74 سیٹاں ملن گئیاں۔ لنگھے الیکشناں اوس نوں ایتھے 73 سیٹاں ملیاں س۔
ایگزٹ پولز وچ بی جے پی نوں ودھ سیٹاں دتیاں جارہیاں نیں، جدکے ایس وار دوجی جماعتاں دے حالات پہلاں توں چنگے نیں۔
لگدا انج اے پئی این ڈی اےدی سرکار بن دی وکھائی دے رہی اے۔ وڈا چیلنج ایہہ ہووے گا کہ کدھرے کانگریس دے اتحاد وچ علاقائی پارٹیاں داپلڑا بھاری نہ پے جاوے۔ ایسراں بی جے پی تے کانگریس دونویں ایس جوڑ توڑ وچ ہوون گئیاں کہ کیویں اتحاد توں باہر جماعتاں نوں اپنے نال رلایا جاوے۔