مکی آرتھر خراب فیلڈنگ اتے تپ گئے

چوتھے ون ڈے وچ انگلینڈ خلاف ہار مگروں ٹیم دے کوچ مکی آرتھر کھڈاریاں نال اک میٹنگ کیتی، جدے وچ دسیا گیا پئی اوہناں سبھاں دی کارکردگی اتے مایوسی ظاہر کیتی، اوہناں آکھیا انج لگدا سی کھڈاری اپنے لئی کھیڈ رہے سن ملک لئی نئیں۔
مکی آرتھر فیلڈنگ وچ کیچ چھڈن والیاں نوں ڈاھڈیاں سنایاں، ایس میٹنگ دا حال دسن والیاں مطابق کپتان سرفراز احمد کوچ دی گلاں اتے چپ رہے تاں کجھ نئیں بولے۔
مکی آرتھر دا کہنا سی اجیہی کارکردگی نال اسیں کدے وی عالمی کپ دا خواب نئیں ویکھ سکدے۔ ایس طرحاں کھیڈن توں چنگا گھر ٹُر جاو۔
ایتوار نوں پاکستان ٹیم پنجویں تے اخیرلے میچ وچ انگلینڈ خلاف سیریز ہارن مگروں میدان وچ اترے گی۔ تبصراں کرن والیاں دا خیال اے پئی پاکستان ٹیم دے بلے باز کسے حد تیک ٹھیک کھیڈ رہے نیں ، گینداں کران والیاں پاروں ایس سکواڈ دی حالت پتلی ہوگئی اے۔ رہندی کسر فیلڈنگ وچ پوری ہوجاندی اے۔ اوہناں دا آکھنا سی سرفراز احمد سی کپتانی ٹھیک اے۔