چل میلے نوں چلئے

لکھاری .زاھد اقبال بٹ
چل میلے نوں چلئیے سانجھی رمز اے رل بھنگڑا پاون تے مڈھوں کرودھ مکاون دی،ایہ ریت اے پریت کھڈاون دی تے لگیاں سولاں دی پیڑھ کھٹاون دی، ایہ سانجھ حلیمی من کتاب سبق پڑھاون دی، ایہہ میلہ ناں اے سبق تفکر دا ،کوئی ھنکار نہیں ، ایہہ سچی کھیڈ فقیری اے، کوئی جبر درباری نھیں، ایتھے سارے ای یار نیں ، کوئی فنکار نھیں، ایتھے سارے کسبی نیں کوئی”چمار ” نھیں، ایہ تھاں اے گجن وجن دی ، کھڑ کھڑ ہاسے ونڈن دی۔ایہ تھاں اے یار مناون دی ، لگیاں توڑھ نبھاون دی۔ ایہ میلہ اک حیلا اے سنگیت پریت جگاون دا ،ٹٹیاں تنداں جوڑن دا۔ ایہ ویھاراے پیڑھیو پیڑھی دا ، کوئی نویں کلچر دی یلغار نھیں ۔چل فیر مان نہ کر بدیسی لکھی تختی دا ، پچھان سیھان کر اپنی ھستی دی ،کر تیاری میلے دی —کر تیاری میلے دی