-
اسلام آباد(سجن رپورٹ)قومی اسمبلی وچ پرانافاٹا قبائلی علاقیاں دی قومی تے صوبائی اسمبلی دی سیٹاں ودھان لئی 26 ویں آئینی ترمیم دا بل اتفاق نال ساری جماعتاں منظورکرلیا ،سپیکر اسد قیصر دی صدارت وچ اجلاس ہویا، ایوان دے آگو تے وزیر اعظم عمران خان وی شریک سن۔ اجلاس فاٹا دی قومی،صوبائی اسمبلی ودھان متعلق 26 ویں آئینی ترمیمی بل، جنوبی پنجاب صوبہ بنان لئی آئینی ترمیم بل دی تحریک اُتے بحث کیتی۔
ایس بل دی منظوری مگروں خیبرپختونخوا وچ رلن لئی قبائلی علاقیاں دی قومی اسمبلی دی سیٹاں 6 توں ودھا کے 12 جدکے صوبائی اسمبلی دی 16 توں 24 ہوجاون گئیاں۔
اک ترمیم رکن اسمبلی محسن داوڑ تے دوجی وفاقی وزیر نور الحق قادری پیش کیتی۔
سپیکر اسمبلی آکھیا پوری قوم نوں مبارک دیندے آں، کہ سبھ نیں اتفاق نال 26 ویں آئینی ترمیم منظور کرلئی اے۔
وزیر اعظم عمران خان آکھیا کہ فاٹا دے لوکیں بوہت مشکل نال لنگھے نیں ،ہن اوہناں دی آواز ہرتھاں سنائی دیوے گی۔ خوشی اے تمام جماعتاں اتفاق کیتا، این ایف سی ایوارڈ وچ ایہہ فیصلہ کیتا گیا سی کہ صوبے فاٹا دی ترقی لئی اپنے حصے توں 3 فیصد دین گے،
