یوکرین پھڈا : یقین اے کہ پوتن نے حملہ کرن دا فیصلہ کر لیا اے، بائیڈن

اسلام آباد سجن ڈیسک ) امریکی صدر جو بائیڈن دا آکہنا اے کہ سانوں یقین اے کہ روسی صدر ولادیمیر پوتن نے یوکرین اتے حملہ کرن دا فیصلہ کر لیا اے تے آون والے دیہاڑیاں وچ کسے ویلے وی حملہ ہو سکتدا اے ۔ بائیڈن نے آکھیا کہ اوہ ایہ گل بات امریکی انٹیلی جنس دی مالومات دی بنیاد اتے کہہ رہے نیں کہ روس دارالحکومت کیف نوں نشانہ بناوے گا۔ روس اس گل نوں مندا ھے کہ اوہ یوکرین اتے حملہ کرن دی منصوبہ بندی کر رہیا اے۔ مغربی ملکاں دا ایہ ٹیوا اے کہ روس یوکرین دے وکھ ھوون مگروں مشرقی علاقیاں وچ اک مندی صورت حال بناون دی کوشش کر رہیا اے تاں جے اوہ جارحانہ کارروائی شروع کرن دا موقع لبھ سکے۔