پاکستان نیں انڈیا نوں پلوامہ خودکش حملے دی پرچول وچ تعاون لئی ہتھ ودھایا، وزیراعظم عمران خان نے ایس پیشکش دے نال ای خبردار کیتا جے پاکستانی دھرتی اتے کوئی کارروائی کتی تاں مونہہ توڑ جواب دتا جاوے گا۔
اک پالیسی بیان وچ عمران خان دا آکھنا سی، انڈیا نوں سوچنا چاہیدا پاکستان نوں اوس تے حملے دا کوئی فیدہ نئیں ہووے گا۔
جے بھارت نے ماضی وچ پھسے رہنا اے تے جد وی کشمیر وچ کجھ بھیڑا ہوون اتے پاکستان نوں ذمہ دار بناونا فیر اسیں انج ای روندے رواں گے۔ عمران خان نے آکھیا بنا کسے ثبوت الزام لانا چنگی گل نئیں۔ جے انڈیا کوئی تحقیقات کرانا چاہندا اے تے پاکستان اوس وچ تعاون نوں تیار اے۔ جے پاکستان تے حملہ کیتا تے فیر اوس دا بھرواں جواب ملے گا۔
انڈیا نے وزیر اعظم عمران خان دی تحقیقات وچ تعاون دی پیشکش نوں رد کردتا۔ خارجہ دی وزیر سشما سوران آکھیا کے ممبئی حملے تے پٹھان کوٹ حملے دے وی ثبوت دتا اوہناں وچ وی کوئی گل سامنے ناں آسکی۔ وزیر نےعمران خان دی پیشکش نوں بہانہ تے نال ای اوہناں دے بیان نوں فوج دی زبان آکھ دتا۔
463
