اسلام آباد ہائیکورٹ وچ وزیراعظم کی اطلاعات بارے اچیچی صلاح کار فردوس عاشق اعوان نوں عدالت دے بے عزتی کرن دے نوٹس اتے سدیا گیا سی، چیف جسٹس اطہر من اللہ دا آکھنا سی تساں عدالتی کارروائی بارے گل کرن توں پہلاں وزارت قانون توں پچھ لینا سی۔
فردوس عاشق اعوان دا کہنا سی عدلیہ کی عزت وچ کمی دا سوچ وی نئیں سکدی، میں کسے شرط بنا معافی مانگدی آں، اگے توں ہور احتیاط کراں گی۔
اسلام آباد ہائیکورٹ نے پہلا نوٹس واپس لیندے ہوئے فردوس عاشق اعوان نوں پیر تیک تحریری جواب داخل کران دا حکم دتا نالے کیس دی سنوائی منگل تے پادتی۔
جسٹس اطہر من اللہ نے آکھیاکہ تہانوں ایتھوں ڈسٹرکٹ کورٹس لے جاواں گے، جتھے دیکھنا جج تے وکیل کیویں کم کردے نیں۔ کچہریاں وچ لوکاں نال کیہ سلوک ہوندا اے۔ ایہہ عدلیہ نئیں سگوں انتظامیہ دی 30 سال دی غفلت دا نتیجہ اے۔
فردوس عاشق اعوان نے کہیا کہ منگل نوں کابینہ دی بیٹھک لگدی اے، ایس دیہاڑ سنوائی نہ رکھو، جسٹس اطہر من اللہ آکھیا تسیں ضلع کچہری وچ ای کابینہ میٹنگ رکھواو تاں جے تہانوں اوتھوں دے حالات وکھائی دے سکن، اگلی سنوائی دی تریخ نئیں بدلی جائے گی۔
378
