مشرف لئی سزائے موت، فوج فیصلے اتے غصے

سابق آمر تے فوجی صدر پرویز مشرف خلاف آئین توڑن تے سنگین غداری دے مقدمے دی سنوائی کرن والی خصوصی عدالت نے اوہناں نوں سزائے موت دیون دا حکم دتا اے،فیصلے وچ آکھیا گیا کہ جنرل (ر)پرویز مشرف خلاف آئین شکنی دا مقدمہ ثابت ہوندا اے تے آئین دے آرٹیکل چھ تحت اوہناں نوں موت دی سزاسنائی جاندی اے۔

ایس فیصلے اتے پاکستانی فوج دے ترجمان دا کہنا اے کہ جنرل پرویز مشرف کسے صورت وی غدار نئیں ہو سکدے خصوصی عدالت دے فیصلےاتےافواجِ پاکستان وچ شدید غم تے غصہ نالے بے چینی پائی جاندی اے۔
فیصلےکےچند گھنٹے مگروں فوج دے ترجمان ادارے آئی ایس پی آرنےتحریری بیان جاری کیتا اے۔
بیان میں آکھیا کہ جنرل پرویز مشرف نے 40 ورھے پاکستان دی خدمت کیتی۔ ملک دے دفاع لئی جنگاں لڑئیاں ۔ اوہ کسے صورت غدار نئیں ہو سکدے‘۔
ترجمان دا کہنا سی کہ ’کیس وچ آئینی تے قانونی لوڑاں پوری نئیں کیتی گئیاں، اوہناں نوں اپنے دفاع دا مڈھلہ حق وی نئیں دتا گیا۔
ترجمان آکھیا کہ ’عدالتی کارروائی شخصی بنیاد اتے کیتی گئی، کیس نوں چھیتی چھیتی نمٹایا گیا ۔ فوج آس کردی اے کہ جنرل پرویز مشرف نوں آئین پاکستان تحت انصاف دتا جاوئے گا۔‘