بلاول ، مولانا دے پلان “بی” توں لاتعلق

پیپلزپارٹی دی کور کمیٹی دے اجلاس مگروں میڈیا نال گل کردیاں بلاول بھٹو زرداری نے دسیا کہ پارٹی بنن دے دیہاڑ اتے کشمیر وچ وڈا جلسہ کیتا جاوے گا، اوہناں آکھیا کہ آزادی مارچ وچ مولانا دا بھرواں ساتھ دتا، ایس دوران دو واری تقریر وی کیتی، اوہناں ق لیگ دے چودھریاں نال مولانا دی گل بات اتے اچنبا وکھایا تے آکھیا کہ اوہناں نئیں معلوم کیہ گل ہوئی، مولانا اپنے “بی” تے “سی ” پلان بارے وی کجھ نئیں دسیا۔ اک سوال اتے بلاول بھٹو صاف دسیا کہ سول نافرمانی تحریک ورگے کسے کم وچ نئیں پین گے۔ ایہہ پیپلزپارٹی دی پالیسی نئیں اے۔ بلاول بھٹو دعوا کیتا کہ اگلے ورھے تائیں عمران خان وزیراعظم نئیں رہن گے، الیکشن ہوون مگروں اوہناں دا وزیراعظم آجاوے گا۔