امریکی صدر ڈونلڈ ٹرمپ ایران اتے ہور ہٹکاں لادتیاں نیں، جنہاں وچوں ایرانی رہبراعلیٰ خامنہ ای دے دفتر اتے وی پابندی شامل اے۔ صدر ٹرمپ آکھیا کہ امریکی ڈرون ڈیگے جاون توں اڈ ہٹکاں لاون دے ہور کارن وی نیں،
ایس دے جواب وچ ایرانی صدر حسن روحانی نے آکھیا کہ انج لگد اے کہ امریکا کا جھوٹ بول رہیا اے تے اوہ ایران نال گل بات چاہندا اے۔
حسن روحانی آکھیا کہ صدر ٹرمپ دی پالیسی توں لگدا اے اوہ بھونتل گئے نیں،نالے وائٹ ہاؤس ذہنی بیمار بن چکیا اے۔
اوہناں آکھیا ایران دے رہبرِ اعلیٰ خلاف پابندیاں بے کار ثابت ہوون گئیاں۔ اوہناں چتاونی دتی کہ جیہڑے لوک اوہناں دے وزیرِ خارجہ نوں نشانہ بنا رہے نیں اوہ سفارت کاری دی راہ بند کر رہے نیں۔صدر ٹرمپ دا آکھنا اے کہ اوہناں نے ایران دے اوکھے رویے داجواب دتا سی۔
721
